BREAKING NEWS – Ginbawi na sang Malacañang ang amnesty nga damlag pa ginhatag kay Senator Antonio Trillanes III.
Ini ang gin confirm mismo ni Justice Secretary Menardo Guevarra kon diin sa idalum sang Proclamation 572 nga ginpagwa sang Palasyo, ginabawi ni Pres. Rodrigo Duterte ang ginhatag nga amnestiya kay Trillanes.
Angut sini, ginmandu na ni Duterte sa Armed Forces of the Philippines ang gilayon nga pagdakup sa senador.
Si Trillanes nga isa ka anay military official ang ginpamatbatan nga guilty sa kaso nga Coup d’etat bangud man sang natabo nga Oakwood mutiny sadtong tuig 2003.
Madumduman nga nahilway gid lamang si Trillanes matapos nga ini siya ang ginhatagan sang pardon ni anay Pres. Noynoy Aquino.
Samtang, ginakabig naman ni Trillanes nga wala sang balasehan nga political persecution ang pagbawi sang Malacanang sa amnesty nga ginhatag sa iya ni Aquino.
Ginaduso ni Trillanes nga indi matuod nga wala ini sang may ginpirmahan nga application form para sa programa sang gobierno sa amnestiya.
Nagapati pa si Trillanes nga isa ka Act of Congress ang amnesty gani indi ini pwede nga mabawi ukon ibalewala pinaagi sa isa ka executive order.
