Nagkasugot ang Malacanang kag Simbahan Katoliko nga magbuligay para sa kaayuhan sang mga pumuluyo.
Suno kay Presidential spokesman Harry Roque isa ini sa nahisugtan nila ni Papal Nuncio to the Philippines Archbishop Gabriele Giordano Caccia sa ila sinapol sa Papal Nuncio residence kadungan sang Pope’s Day nga kapyestahan nanday San Pablo kag San Pedro.
Dugang pa ni Roque nga nahisugtan man nga may one on one dialogue sanday Pres. Rodrigo Duterte kag Catholic Bishops’ Conference of the Philippines ukon CBCP.
Matandaan nga imbitado ang presidente sa kahiwatan sang Pope’s Day apang wala nakatambong si Duterte.
Una na nga gintawag ni Duterte nga stupid ang Diyos nga amo ang gintunaan sang negatibo nga rekasyon sang mga Kristyano sa Pilipinas.
(photo from web)
