Sa Regular Session sa 20th Davao City Council, giduso ni Councilor Dr. Trisha Ann Jasmin Villafuerte, chairman sa Committee on Women, ang resolusyon nga manubag ang anaa likod sa Facebook page nga TambalayanVlogs nga nag-post og usa ka lalaki nga adunay gikargang babayi nga naka-skin tone stockings ug adunay caption nga “OPEN KADAYAWAN PROMO SALE sa Central Bank, Ilustre, Claveria and San Pedro Street, Davao City. “Buy 1 take 1” ug aduna pay #Kadayawan2022.
Matud ni Villafuerte, ang maong post pagdaut sa dignidad sa kababainhan sa Davao ug paglapas sa Women’s Code of Davao City.
“A resolution urging the cooperation of Committee on Information Technology to investigate the Facebook posted by the TambalayanVlogs last August 16 as it derogates the women of Davao City and dirties the celebration of the 37th Kadayawan Festival,” sulti ni Villafuerte.
Nakigkoordinar na karon ang City Government of Davao sa National Bureau of Investigation (NBI) ug PNP Anti-Cybercrime Unit alang sa himuong aksyon.
RadyoMaN Kirby Manzon
