Nagsugod kagahapong adlawa ang pagpang-apod-apod sa Relief Food Packs sa 6 ka barangays sa siyudad sa Malaybalay.
Kini mao ang Brgy Dalwangan, Patpat, Cabangahan, Laguitas, Bangcud, Sto Nino ug Violeta.
Sa laing bahin, gitahasan ang mga brgy officials sa sistema sa pagdistribute, ug sila mismo ang mag.hatag o maghatod sa ilang mga residente nga sila pud sa brgy ang nag.identify base sa guidelines.
Giklaro usab sa LGU Malaybalay nga ang mga barangay mismo ang naglista sa mga qualified recipients based sa DILG guidelines nga ang pagahatagan sa atong lokal nga pangagamhanan kadtong:
1. Poorest of the Poor o Indigents
2. Daily Wage Earners o Inadlawan ang pangita.
Maapil sa daily wage earners ang mga fisherfolk, construction workers, small farmers, vendors, drivers sa motorela, multicab o habalhaval, ug workers sa non-essential businesses nga gimanduan to be closed temporarily.
Ang kadtong mangakadawat giaghat sa pagsusi sa schedule ug pamaagi sa distribution sa ilang tagsa tagsa ka barangay.
Ang sulod sa Relief Food Packs sa nahatag sa 7 ka mga barangay kagahapong adlawa:
7 kilos nga bugas
3 corned beef
3 beefloaf
3 sardinas
3 pork n beans
Sugar
Kape
Kini ang sulod sa first delivery sa supplier ug gipasaobt nga ang sulod sa uban sa umaabot depende sa available nga food items sama sa instant noodles.
