Hoyhoy karon ang abaga sa usa ka manager sa ASA Foundation human kini gitulis didto sa E. Quirino St. Corner Father Romero St., Pob. North, Lungsod sa Polanco.
Naila ang biktima nga sila si Remar Roque Salili, 26 anyos, ulitawo, Manager sa ASA Foundation- Polanco Branch residente sa Naga, Zamboanga Sibugay uban niya si Mayelle Panuncialman Humigop, hingkod ang pangidaron, Staff sa ASA Foundation nga anaa sa lungsod sa Polanco.
Sa gihimong imbistigasyon nasayran nga si Mrs. Ledia Montano, Supervisor sa nahisgutan nga foundation. Matod pa nga nagmando kini sa nahisgutan nga manager nga mag withdraw ug kwarta sa kantidad nga (₱250,000.00) mil didto sa Rural Bank of Rizal, nga anaa nahimutang sa lungsod sa Polanco.
Human naka withdraw sa maong kwarta, misakay kini sa kolor pula nga Shooter single motor padulong sa ilang branch office, apan pag hidangat nila sa Pob. North, Polanco. Miharang kanila ang wala mailang nga mga suspetsado dayong tutok ug armas ug pugsanon nga gikuha ang bag nga gisudlan ug kwarta.
Human sa panghitabo dali nga miikyas ang mga suspetsado sakay sa kolor itom nga XRM motor.
Sa pagkakaron ang kapulisan sa Polanco padayon ang ilang gihimong imbistigasyon mahitungod sa maong pagpanulis, lakip karon nga ge imbistigahan ang manager sa ASA Foundation nga si Remar Roque Salili nga kung diin anaa karon sa ilang kustodiya kung aduna ba kini kalabutan sa maong panghitabo.
