Ginpanindugan sang presidente sang Board of Directors sang Central Negros Electric Cooperative (CENECO) nga dapat sundon sang kooperatiba ang pinakaulihi nga mando sang Energy Regulatory Commission (ERC) nga wala anay sang patigayunon nga disconnection tubtob sa Disyembre 2020.
Sa interview sang DYHB kay Dwight Carbon, ginpahayag sini nga dapat sundon ang mando sang ERC nga amo ang ila regulatory body. Natalana man sini nga istoryahon ang OIC General Manager sang CENECO nga si Agnes Claro agud mahibaluan sini ang iya desisyon sa pronouncement ni ERC Chairperson Agnes Devanadera.
Madumduman nga sa interview kahapon kay Roel Venus, chief sang Consumer Services Division sang CENECO, ginpahayag sini nga dayunon nila ang pagpang-utod sumugod Oktubre 15, tubtob nga wala pa nila nabaton ang guidelines gikan sa ERC.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
