KALIBO, AKLAN — Uwa eon makaabot pa nga buhi sa Aklan Provincial Hospital rong sangka eaeaki matapos nga barilon it ana mismong magueang kahapon sa Brgy. Bulwang, Numancia, Aklan.
Rong biktima nakilaea kay Jeffrey Boriga, 34-anyos nga nakaangkon it tama it bala sa tiyan ag waea nga parte it dughan samtang rong suspek nakilaea man kay Jowan Boriga, 39-anyos ag magueang it biktima tanan residente it nasambit nga lugar.
Natabo rong insidente kahapon matapos nga rong biktima halin sa family outing sa bahin it Mabilo, Kalibo, umuna it uli sa andang baeay ag pagabot na raya hay nagwala ubos na it pangbasag ro bote sa baraka ni nanay na.
Uwa pa gid makontento, umadto ra imaw sa baeay ko anang magueang nga nagakatueog bangud gaoy sa anang trabaho bilang sangka matansero ag may nagpatunga nga mainitang diskusyon ag uwa pagka intindihan rason nga habaril raya.
Nagapabilin mat-a nga at-large si Jowan bangud nagpaeagyo raya matapos rong krimen.
TAGS RMNDYKR KALIBO NUMANCIA BORIGA
