MOISES PADILLA, NEGROS OCCIDENTAL – Ginlabo sang isa ka lalaki ang iya man lamang kaugalingon nga manghod bangud nga ini ang nagma-oy kagab-i sa banwa sang Moises Padilla.
Ang biktima ginkilala kay Martin Pragata, 23 anyos, soltero, residente sang Sitio Balogo, Moises Padilla, samtang, wala naman ginhingadlan ang iya magulang nga naglabo sa iya.
Suno sa iloy sang biktima nga may mga las 9 kagab-i sa ila man lang balay, nakainom ang biktima kag nagmaoy rason nga ini ang ginsaway sang magulang.
Apang matapos wala nagpamati, nagluntad ang indi paghangpanay rason nga nalabo sang magulang ang iya manghud kag ini ang naigo sang tatlo ka beses sa iya nga likod.
Sa karon padayon nga ginabulong sa Regional hospital ang biktima.
[image: image.png]
Facebook Comments
