MANGINGISDA NAKADAWI IT BOMBA

Kalibo, Aklan – Mageuwas sa dawing limang (5) kilong isdang bulinaw hadawi pa gid sa eambat ro mas o
menos may ap-at (4) nga kilong 81millimeter mortar bomb.
Suno sa mangingisdang nagahingaean kay Jenly Ranigo, residente it sitio Libuton, Bakhaw Norte, Kalibo,
Aklan nga kahapon it hapon, ging taktak nanda ro andang eambat sa baybayon nga nasakupan it
barangay Camanci Norte, Numancia, Aklan ag sa andang pagbitwa kaina it agahon kaibahan sa andang
hadawi ro nasambit nga bomba matapos nga sumangit raya sa eambat.
Sa andang pag dungka suno pa gid kay Ranigo, insigidang nag coordinate sanda kay Bakhaw Norte
Punong Barangay Maribeth Cual, kon siin insigida man nanda nga ging pangayuan raya it police
assistance sa Kalibo PNP para isecure ro bomba.
Sa pagresponde mat-a it Explosive Ordnance Division EOD it Aklan Police Provincial Office sa
pagpanguna ni PLT Benjie Repedro, anang ging pahayag nga rayang 81 millimeter mortar bomb may
kapasidad pang mageupok bangud intact pa ro anang propeller, fuse ag explosive filler.
Dugang nga ging pahayag ni PLT Repedro ro pwersa it nasambit nga bomba kon eompok kayang
pumatay bisan una ka sa antad nga 50 meters radius.
Samakaron ro nasambit nga bomba sa kostudiya eon it Explosive Ordnance Disposal Unit it AKlan PPO…