Usa ka batan-ong Manobo nga gikan sa Loreto, Agusan del Sur ang lakip sa 234 ka mga batan-on nga milampos sa rigid nga Basic Military Training ug Jungle Warfare Mountain Operation Course diin gihimu ang graduation ceremony sa 4th Division Training School, Camp Osito Bahina, Malaybalay city Bukidnon.
Gibutyag ni MGen. Franco Nemesio Gacal, division commander sa 4th ID Phil. Army nga sa 117 ka mga membro sa matag klase anaa sa 88% ang gikan sa rehiyon 10 ug Caraga region samtang ang uban gikan sa Region 1, 7, 8, 9 ug 12.
Ang gitumbok nga tribung Manobo mao si Pvt. Marvin Banglid, 23 anyos, ug residenti sa Brgy. Kasapa 1, Loreto Agusan del Sur diin lima ka tuig usab siya nga nagserbisyo isip CAFGU ug karon daku iyang kalipay nga nasulod na siya isip sakop sa Phil. Army.
Taliwala sa kalisud sa giagi-an nga training apan milahutay siya gumikan sa pangandoy nga mahimung sundalo.
Gusto ni Pvt Banglid nga mahimong inspirasyon sa ubang batan-on nga sakop sa tribu ug mosunod kaniya sa pag-apil sa kasundaluhan (with report archer capadeso/ivy falcone).
[image: news soldiers.jpg]
