Bilang bahagi ng pagdiriwang ng Fire Prevention Month, matagumpay na naisagawa ng City Disaster Risk Reduction and Management Office (CDRRMO), sa pakikipagtulungan ng Bureau of Fire Protection (BFP) Region One Alaminos City, ang tatlong araw na Basic Firefighting Course para sa mga kawani ng CDRRMO.
Layunin ng pagsasanay na palakasin ang kaalaman, kasanayan, at kahandaan ng mga disaster responders sa tamang pamamaraan ng pag-iwas, pagtugon, at pamamahala ng mga insidente ng sunog. Saklaw ng training ang iba’t ibang aspeto tulad ng paggamit ng fire fighting equipment, fire suppression techniques, rescue operations, at emergency response protocols.
Ang kursong ito ay mahalaga upang masiguro na ang mga personnel ay may sapat na kakayahan na tumugon nang mabilis at epektibo sa mga sunog, na makatutulong sa pagprotekta sa buhay ng mga residente at kanilang mga ari-arian.
Bukod sa practical training, kabilang din sa programa ang mga diskusyon tungkol sa mga hakbang para sa fire prevention, risk assessment, at community awareness upang mas mapalawak ang responsibilidad ng bawat isa sa pangangalaga ng kaligtasan sa kanilang mga komunidad.
Ang naturang inisyatiba ay bahagi ng patuloy na commitment ng lokal na pamahalaan na paigtingin ang disaster preparedness at public safety programs, na mahalaga lalo na sa panahon ng kalamidad. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
