BACOLOD CITY – Ginpasakaan na sang kaso nga violation sang Section 11 kag 5 sang Republic Act 9165 ang suspek nga nakuhaan sang shabu sa ginpatigayon nga buybust operation sang nagligad nga adlaw sa Brgy. Taculing diri sa ciudad sang Bacolod.
Ang suspek nga ginkilala kay Don Ern Gonzales, 29 anyos ang edad, pumuluyo sang Brgy. Singcang Airport, Bacolod City ang nadakpan sa buy bust operation nga ginpatigayon sang Police Station 6.
Suno kay Police C/Insp. Jovil Sedel, hepe sang Police Station 6 nga nakuha sa suspek ang kapin 57 ka elongated sachet sang suspected shabu nga ginabulubanta nagabalor sang kapin P310 mil pesos subong man isa ka motorsiklo.
Ginpahayag ni Sedel nga ang suspek naga-libud sang shabu sa tatlo ka mga barangay sa Bacolod nga ginalakipan sang Brgy. Banago, Taculing kag Singcang Airport.
