NEGROS OCCIDENTAL – Nagapati sanday Negros Occidental Governor Alfredo ‘Freddie’ Marañon Jr. kag Vice Governor Eugenio ‘Bong’ Lacson nga pamolitika ang sa likod sang pagdalahig sa ila sa issue sang illegal drugs.
Ini kasunod nga sanday Marañon kag Lacson ang ni anay Punong Brgy. Manuel “Maui“ Huelar sa iya affidavit nga naga-angut sa sining mga matag-as nga opisyal sang probinsya sa operasyon sang illegal nga druga.
Sa ginpatigayon nga conference kahapon, ginpahayag nanday Marañon kag Lacson nga ang tawo nga amo ang sa likod sang pag-execute ni Huelar sang affidavit ang may plano nga magpapili congressman ukon gobernador sa 2019 elections.
Nagpamalibad naman ang gobernador kag bise gobernador nga hingadlan ang tawo nga ila ginatumod nga amo ang sa likod sang affidavit.
Sa pihak nga bahin, naga konsulta na karon si Vice Gov. Lacson sa iya mga abogado kon bala ini ang magapasaka sang kaso batuk kay Huelar kag handa man magpaidalum sa drug test agud pamatud-an nga indi matuod ang akusasyon ni Huelar.
Si Huelar ang nakabilanggo karon sa Bacolod City District Jail sa Brgy. Handumanan bangud man sa kaso sang illegal drugs sa diin wala pa sang pyansa nga ginrekomenda ang korte.
KON IKAW PAHAMBALON, MATUOD BALA INI NGA AKUSASYON UKON PULITIKA GID MAN?
