PONTEVEDRA – Wala sang kamatuuran ang nagalagaw nga balita sa social media nga nadakpan sang Pontevedra PNP ang isa ka lalaki nga amu naman ang ginasiling nagapangsaka saka sa mga balay sa 4th District kag nagapamatay.
Sa Facebook post sang Pontevedra PNP ila gindeny ang itsura sang amu nga lalaki nga ginasiling ila nadakpan, bangod ang matuod wala man sila sang may nadakpan kag wala man sila sang may narecord sang nagapangsaka saka kag nagapamatay sa ila jurisdiction.
Ginlaragway ini sang Pontevedra PNP nga ‘fake news’ bangod ang ginapalapta lang ini sa social media.
Kon may ara gid man sang amu sini nga hitabo, ilabi na ang pagpangsaka saka kag pamatay, gilayon ini ipalab-ot sa ila talatapan.
Una na nga ginreport sa Bago PNP nga may isa ka lalaki nga may labo sa guya, may deperensya sa paminsaron ang nagpatay sa isa ka babaye sa Barangay Ma-ao paagi sa pagbuno sa iya samtang nagalakat sa kampo.
Ang amu nga lalaki ang wala nadakpan tubtob subong, nga ginasiling amu ang ginakahadlukan sa mga kaiping nga lugar.
Ginbansagan ini sang mga netizens kag texters sa dyHB nga si ‘Mario Labo’ bangod man sa bakaris sa iya nga guya.
Pero pagkatapos sato, wala na sang may narecord nga inbolbado si ‘Mario Labo’ pero ini nga ginakakugmatan sang mga pumoloyo sa lugar bangod tubtob subong wala pa ini nadakpan.
