Sumala ni Police Major Catherine Dela Rey, DCPO spokesperson, hitsas na ang mga awtoridad sa ipatumang mga security measures aron masegurong hapsay ug luwas ang aktibidad.
Kapin 2,000 ka mga pulis ug police auxiliaries ang i-deploy sa Parada.
Nanawagan ang kapulisan sa publiko sa pagpatuman sa angay ug dili angayang pangdad-on atol sa Parada sama sa mga deadly weapons, non-transparent water containers, backpacks ug uban pa.
Gipahimangnuan usab ang mga ginikanan nga dili na ubanon pa sa Parada ang mga bag-ong himugso nga mga bata para safety ug health reasons.
Target sa DCPO nga magpabiling zero crime incident ug magmalampuson ang tanang mga nahibiling aktibidad sa Araw ng Dabaw.
Manukad ang Parada Dabawenyo sa Roxas Avenue ug San Pedro Square ang last stop niini gikan alas 6:00 sa buntag kutob alas 12:00 sa udto.
RadyoMaN Aimee Guinita
