BACOLOD CITY – Nadakpan ang isa ka babayi nga masahista sa ginpatigayon nga buybust operation kagab-i sang mga katapo sang PNP Police Station 10 sa Brgy. Handumanan, Bacolod City.
Nakilala ang subject nga si Richel Ticao, 30 anyos ang edad, isa ka masahista kag pumuluyo Phase 6-B, Brgy. Hadumanan, ciudad sang Bacolod.
Ang buybust ginpatigayon kagab-i sa Purok Kawayanan sa amo nga barangay kon diin nakuha kay Ticao ang 3 ka sachet sang suspected shabu nga may market value nga P12 mil pesos.
Suno sa hepe sang Police Station 10 nga si PC/Insp. Charles Gever nga si Ticao ang ginakabig street level drug target kag madugay na nga under surveillance sang mga operatiba./dyHB BACOLOD
Facebook Comments
