Nagalab-ot sa masobra 10K job vacancies ang sarang nga aplayan sang mga job seekers sa 27 ka nagpartisipar nga mga employers sa rehiyon sa 2021 Kalayaan; Online Trabaho, Negosyo Kabuhayan Job and Business fair sang Department of Labor and Employment ukon DOLE 12 bilang kabahin sang aktibidad sang ahensya subong nga selebrasyon sang Independence day.
Samtang base sa datos sang DOLE 12 kahapon nga adlaw yara sa 1,917 ka mga jobseekers ang tigayon na nga nakaparehistro paagi sa Workbank ang online platform ukon jobsite nga magabulig sa mga nagapangita sang obra.
Ang mga trabaho nga sarang naman aplayan sang mga jobseekers ang may kahilabtanan sa insurance companies, education kag training, retail services, accounting and finance, administrative ukon office support, information and communications technology, human resource and recruitment kag engineering.
Ipatigayon man kadungan sang TNK job and business fair subong nga adlaw sang DOLE 12 ang ceremonial release sang COVID-19 Adjustment Measures Program ukon CAMP 2 sa mga pili nga establishemento kag empleyado nga apektado sang pandemya nga wala nahatagan nga kabahin sang dugang nga P47 million sa nasambit nga programa.
Pahayag ni DOLE 12 Regional Director Raymundo Agravante nga tungod sa travel kag physical contact restrictions dala sang COVID-19, ang ahensya ang magagamit sang modern nga teknolohiya sa paghatag sang serbisyo.
Suno pa ang mga jobseekers ang sarang man nga makabenepisyo sang mga programa kag serbisyo sang DOLE partner agencies kapareho sang TESDA, DTI kag One-Stop Service Center for OFWs (OSSCO).
Sarang naman nga makaparehistro ang mga aplikante sa online TNK job kag business fairs umpisa subong nga Hunyo 12 tubtob Hunyo 14.
