Masobra 40 ka mga employers sa rehiyon dose posible kasuhan sang PHILHEALTH 12.

36

Nagalab-ot sa masobra 40 ka mga employers sa rehiyon dose ang natalana nga kasuhan sang Philippine Health Insurance Corporation ukon Philhealth Region 12 tungod sa wala suno pa pagbayad sa kontribusyon sang mga empleyado sini. Ini ang nangin kumpirmasyon ni Lorelie Bonilla, Collection Section Chief sang Philhealth 12.

Suno sa iya sa subong duha na ka mga employers nga isa ang dire sa Koronadal City kag isa sa General Santos City ang napasakaan na sang kaso sang nagligad nga semana kag posible madungan pa.


Ginpahayag sini nga wala naremit sang nasambit nga mga employers ang premium sang ila nga mga empleyado sa Philhealth kag bisan ang ginabuhin sini sa sweldo sang mga empleyado.

Base sa datos sang Philhealth nagalab-ot sa masobra P 50 million ang ginbayaran sang Philhealth nga claims sang 2014 tubtob 2018 tungod sa non-payment sa premium sang mga employers.

Facebook Comments

From Advertisers