Nakadistribute na sang cash aid ang Department of Social Welfare ukon DSWD 12 sa masobra 46 thousand ka mga waitlisted recipients sang Social Amelioration Program ukon SAP paagi sa digital payment center sa rehiyon.
Suno kay DSWD 12 Regional Director Cezario Joel Espejo yara na sa P233,055,000.00 ang narelease sang mga partner payment firms sa 46,611 halin sa target beneficiaries nga 89,868 umpisa sang nagligad nga semana.
Nahibaluan nga gintap sang ahensya ang mga financial service providers (FSP) agud nga madali ang paghatag sang cash assistance sa linibo ka mga kwalipikado nga benepisyaryo nga yara sa mga Geographically Isolated and Disadvantaged Areas sa rehiyon.
Ang mga kwalipikado nga benepisyaryo nga may mobile numbers sa SAP forms ang makaekspektar nga makabaton sang mensahe halin sa mga payout centers agud nga iclaim ang subsidiya.
Samtang ang mga local government units ang magpost man sa tagsa ka mga municipal kag barangay level sang listahan sang mga beneficiaries kag financial service providers sa diin kuhaon ang assistance.
Ginsiguro naman ni RD Espejo nga magapadayon ang distribution nila sang cash aid sa mga wala pa nakabaton sang ayuda halin sa gobyerno kag may ginadeploy sila nga mga empleyado sang ahensya agud mag-asister sa mga beneficiaries agud nga mag-address sang problema sa tion sang actual payouts.
