BACOLOD CITY – Natigayon nga makumpiskar ang nagkalain nga sahi sang firecrackers kag pyrotechnics sa ginpatigayon nga active inspection sa Bacolod City Firecrackers Display Zone sa Reclamation Area may mga las 12 kahapon sang udto.
Ang amo nga inspection ginpatigayon sang RCSU Region 6 sa pagpanguna sang hepe sini nga si Police S/Supt. Jomil John Trio.
Ini ang nagresulta sang pag-confiscate sang nagkalain lain nga palupok kag pyrotechnics nga ginabulubanta nagabili sang kapin 107,630 pesos.
Kalakip sa mga nakuha sa Mitchy nga pwesto amo ang fountain, sparkers, Chinese Katay, Luces kag madamo nga iban pa.
Ang tag-iya sang kiosko ang napaslawan mag presentar sang permit to transport ukon proof of purchase halin sa authorized dealer sang ginpatigayon ang actual inspection.
Sa interview sa tag-iya nga ginaproseso na nila ang permits gikan sa ila supplier para ma release ang mga pyrotechnics.
