BACOLOD CITY – Ginabulubanta nagdangat sa masobra P300 mil pesos (P300,000) ang balor sang suspected shabu nga na recover halin sa mag live-in partner sa ginpatigayon nga buybust operation kaina sang kaagahon sa Brgy. Banago, Bacolod City.
Nakilala ang mga suspek nga amo sanday Giljohn Guanzon, 25 anyos, residente sang Sitio Sibucao, Brgy. Banago kag si Lyncar Bantillan, 18 anyos, pumuluyo sang Magsungay, Brgy. Singcang Airport, Bacolod City.
Ang buybust ginpatigayon sang mga katapo sang Station Drug Enforcement Team sang Police Station 3 sa pagpanguna sang hepe sini nga si Police Major Ruel Culanag may mga la 1:45 kaina sang kaagahon sa Purok Bayanihan, Brgy. Banago.
Narecover halin sa mga suspek ang 12 tanan ka sachet sang suspected shabu nga ginabulubanta may market value nga kapin sa P312,500 pesos subong man isa ka sachet sang shabu bilang buybust item kag P500 pesos nga marked money.
Sa karon detained na sa custodial facility sang Police Station 3 ang maglive-in partner./DYHB BACOLOD
