MASS DRUG ADMINISTRATION KONTRA FILARIASIS GING LUNSAR SA LIBACAO

Kalibo, Aklan – Naging host ro Libacao National Forestry Vocational High School sa paglunsar makaron
nga dag-on it Mass Drug Administration kontra Filariasis.
Ging paliwanag ni Dr. Cornelio Bong Cuachon Jr. Provincial Health Officer I it PHO-Aklan sa Libacaonon
kung ano ro Filariasis.
Suno kana ro Filariasis hay sangka parasitic disease tuga it filarial worm halin sa sugod it namok nga
kaeabanan naga istar sa mga lugar nga may plantasyon it abaca ag saging.
Ro Filariasis suno pa gid kay Dr. Cuachon, hay makatao it permanenteng pag bag-o pisikal o
pagkabaldado kapareho ko pagbahoe it husto ko butkon, batiis, eagay sa mga eaeaki ag suso sa mga
babaye.
Dugang na nga ging pahayag nga basi sa monitoring nga ging patigayon it PHO-Aklan may kaso pa it
Filariasis sa banwa it Libacao kabangdanan nga sa rayang banwa nanda ging lunsar ro mass drug
administration kontra sa nasambit nga masakit…