Gipangita na karon sa mga tinugyanan sa balaod sa San Francisco Municipal Police Station ang duha ka mga suspek nga nagsugu aron pagpusil sa biktimang nurse niadtong nakalabyang semana, atbang sa San Frans FM Station, San Francisco, Agusan del Sur.
Gikompirma ni P/Maj. Erwin Espejo, hepe sa San Francisco MPS nga napasaka na ang kasong frustrated murder batok sa wala panganli nga mga suspek kinsa padayon pa’ng gipangita karong higayona.
Madumduman nga bandang alas 8:25 ang takna sa gabie gipusil ang biktima nga si Gilbert Ayuban, 33-anyos, taga Brgy. Lapinigan nga gamaneho sa iyang kotse kolor pula uban si Jeda Mae Daguio Porquillo 29-anyos atubangan sa San Franx Radio.
Gibutyag ni P/Maj. Espejo nga daan nang nakadawat ug bahad sa kinabuhi si Ayuban sa wala pa mahitabo ang krimen gikan sa mga suspek kinsa wala na makita sa dapit human sa insidenti.
Migawas sa imbistigasyon nga nag-hire lamang ug mamumuno ang suspek diin padayon pa usab nga giila kung kinsa ang mga hired-killers.
Niya pa nga ang pagkalambigit sa biktima sa investment scheme maoy motibo sa sulay nga pagpatay kaniya. . Sa karon anaa na sa luwas nga kahimtang ang biktima (with report archer capadeso/ivy falcone). See Translation <www.facebook.com/RMNDXBCBUTUAN/?ref=bookmarks#>
