MASUBRA sa TUNGA sa milyon ka pesos nga balor sang druga nakuha sa isa ka suspek sa drug Search paagi sa Search Warrant nga gin serbe sang Philippine Drug Enforcement Agency Region (PDEA-6) sa isa ka balay sa Meadows of Camelot Subd., Brgy. Estefania syudad sang Bacolod pasado las 3 sang hapon Enero 17.
Ang subject sa search ang puluy-an ni Rommel Diaz, legal ang edad sang amo nga lugar kag isa ka High Value Target. Ini ang anay residente sang Prk. Kagaykay, Barangay 2 syudad sang Bacolod.
Suno sa PDEA, si Diaz ang madugay na nga gina surveillance sang otoridad bangud sa hilikuton sini sa pagbaligya sang iligal nga druga.
Dakup man sa amo nga search ang upod ni Diaz nga si Mark Raymond Chua sang Barangay Villamonte.
Nakuha sa amo nga search sang ang kapin 17 ka sachet ukon 80 gramos nga suspected shabu kag isa ka putos nga laya sang dahon sang marijuana kag tanan ang nagabalor sang kapin sa 544 ka libo ka pesos, nakuha man ang mga drug paraphernalia sa sulod sang puluy-an.
[image: image.png]
