Mataas nga opisyal sang rebelde dakop sa checkpoint sa Kabankalan

600

KABANKALAN CITY, NEGROS OCCIDENTAL – Natigayon nga madakpan ang ginaalegar isa ka miembro sang Executive Committee sang Komite Rehiyon Negros, Regional Education Department ukon RED sadtong nagligad nga Biernes, Oktubre 26, las 9:20 sang gab-i sa Highway sang Mabinay Road, Brgy. 9, Kabankalan City.

Nakilala ang suspek nga si Mary Grace Delecano, legal ang edad, Alyas Cleo Karyle, miembro sang RED, may warrant of arrest bangud sa kaso nga murder.

Nadakpan si Delecano sa checkpoint nga gin-conduct sang Kabankalan City Police Statino sa pagpanguna sang hepe sini nga si PCI John Ganson upod sa mga katapo sang 62nd IB, Philippine Army Scout Plantoon kag sang 604th IB.

Ang warrant of arrest batuk kay Delecano gin-issue sang RTC 6th Judicial Branch 61 sa idalum ni Hon. Judge Fernando Elumba sadtong December 11, 2012.

Nakuha sa possession ni Delecano ang kapin siyam ka mga cellphones, tablet, Macbook subong man mga subersibo nga dokumento./dyHB BACOLOD

Facebook Comments