VALENTINE’S DAY FEATURE (Part 1) – Sin-o ang nagsiling nga “walang forever” or other says, wala sang forever, lifetime lang.
Ang paghigugma, sa romantic nga aspeto, amo ang pagkit-anay sang duha ka individual nga hugot ginabaton ang kalain kag kaayo sang isa kag isa nga may kaisog nga ma-overcome ang mga kabudlayan kag himuon ini nga kalipayan.
Ini napamatud-an matapos nadiskubrehan ang isa ka makabig weird nga love story didto sa China nga nagtandog sang mga balatyagon sa bilog nga kalibutan.
Istorya ini sang isa ka lamharon nga lalaki kag may edad nga babayi nga nagluyagay, nagpalagyo agud magkabuhi nga may kalinong kag malayo sa mga pagpang-yaguta sa sulod sang masobra 50 ka tuig or half a century.
Nagsugod ang pinasahe nga love story sang amo nga Chinese couple sang sadto naga-edad pa lamang sang 19 anyos ang lalaki nga si Liu sang ini siya ang naluyag sa sadto balo (widower) na si Xu, 29 years old.
Sang amo nga panahon, indi acceptable kag ginakabig immoral para sa isa ka lamharon nga lalaki ang maluyag sa mas may edad nga babayi.
Agud makalikaw sa kritisismo kag kutso-kutso, nagdesisyon ang duha nga mag-elope kag ini sila ang nag-istar sa isa ka kweba sa Jiangjin County, Southern Chongqing area sa China.
Tuman ka pigado nga nagsugod sa ila pamilya sanday Liu kag Xu, they had nothing, wala sila sang koryente, wala man sang may makaon.
Nag-mantener sa pagkaon sang hilamon kag ugat sang kahoy nga ila nakita sa bukid ang mag-asawa.
Naghimo sang kingki si Liu agud nga mangin masanag ang madulum nga kagab-ihon.
Sa ikaduha nga tuig sang ila pag-istar sa bukid, ginsuguran ni Liu ang pag-carve sang steps sa duta agud mangin mahapos sa iya asawa ang pagsaka-panaug sa bukid.
Ini ang ginhimo sang lalaki sa halos matag-adlaw nga tanan sa sulod sang masobra 50 ka tuig sang ila pag-upod.
Sadtong tuig 2001 ukon matapos ang halos tunga sa century, may isa ka grupo sang mga adventurers nga sadto naga-explore sa kagulangon ang una nga naka diskubre sa mag-asawa nga Liu kag Xu lakip na ang kapin 6 mil ka steps sang hagdanan nga mismo si Liu ang naghimo.
Ginpahayag sang isa sa pito ka mga kabataan nanday Liu kag Xu nga si Liu MingSheng nga wagas ang paghigugmaanay sang ila ginikanan.
Suno kay MingSheng:
“My parents loved each other so much, they have lived in seclusion for over 50 years and never been apart a single day.”
