Sarangani Province—sikop sa kapulisan sakop sa Alabel Municipal Police Station ang wanted nga dunay kasong carnapping sa ilang gihimong Manhunt Charlie sa bilinidad sa lungsod sa Alabel, Sarangani Province.
Giila ni Police Chief Inspector Benjie Anchita, hepe sa Alabel PNP ang suspek nailhang si Jonel Felesario, 19, residenti sa Barangay Lagubang, Sultan, Kudarat.
Alas 3:30 ang takna sa kaadlawon niadtong nakalabayng adlaw gihimo ang operasyon batok sa suspek human nakaabot sa buhatan ni PCi Anchita nga anaa sa ilang AOR ang nahisgutang suspetsado.
Wala na usab mipalag pa ang suspek dihang gipresentar kaniya sa mga warrant officer ang warrant of arrest sa kasong iyang giatubang nga paglapas sa RA 6539 (Anti Carnapping) nga dunay criminal case no. 00231-17.
Sa kasamtangan ang suspek balhog na sa Alabel PNP ug commitment order nalang ang gipaabot gikan sa korte aron mabalhin na kini sa provincial jail.
