![51177148_2238522239803107_1089445311060901888_n2-17.jpg](https://i0.wp.com/rmn.ph/wp-content/uploads/2019/06/51177148_2238522239803107_1089445311060901888_n2-17.jpg?resize=696%2C371&ssl=1)
iFM Laoag – Plano ti Gobierno iti Siudad ti Batac babaen ti panangidadaulo ni Mayor Albert Chua a maaddaan ti ‘Childhood Center’ iti 43 a barangay iti nasao a lugar.
Daytoy ti maysa kadagiti impalgak ti mayor bayat iti panagbitlana kalpasana nagsapata daytoy iti sangoanan kadagiti kabbaru nga opisyal iti Siudad ken kasta pay dagiti umili iti Imelda Cultural Center ti Batac.
Innayunna pay a masapol pay a mapapintas ti lugarda kas iti panangpasayaat iti City Plaza, Tiendaan, Farm to Market roads, ken programa ti agrikultura.
Malaksid kadagitoy, kayatna pay a simpaen ti benneg trapiko ken kasta pay iti pannakaiplastar ti Department of Public Safety iti nasao a lugar.
Itultuloy na met ti programana iti benneg salun-at a mangtulong kadagiti agkasapolan ti agas ken kasta pay iti benneg edukasyun ket agtultuloy ti scholarship wenu libre a panagpaadal kadagiti estudyante iti siudad.
Ti panagsapata ni Mayor Chua ket indauluan ni Honorable Judge Felix G. Salvador manipud iti RTC Branch 17, Batac City kadua dagiti kabbaru nga opisyal iti siudad ken naimatangan met dagiti miembro ti familiada.
Bernard Ver, RMN News