Mayor Bing Leonardia ginpermahan ang kuntrata sa pagbakal sang covid vaccine sa AstraZeneca

13

Ginpirmahan na ni Bacolod City Mayor Evelio Leonardia ang kontrata sa pagbakal sang Covid-19 vaccine sa British-Swedish biopharmaceutical kag multinational company nga AstraZeneca Pharmaceuticals Philippines, Inc. May yara sang 70% efficacy ang AstraZeneca vaccine base sa clinical trials sang kumpaniya.

Matandaan nga ginhatagan sang Sangguniang Panlungsod sang Bacolod sang otoridad si Leonardia agud magpirma sang nasambit nga kontrata. Magluwas sa local government sang Bacolod kag AstraZeneca, involved man sa multiparty agreement ang Republic of the Philippines pinaagi sa National Task Force against Covid-19 kag ang Department of Health.


Sa press conference ni Leonardia kag mga city officials kahapon, ginpahayag sini nga may inisyal nga P300 million nga pondo ang ipa-in sang ciudad para sa pagbakal sang mga bakuna. Mangin prayoridad nga hatagan amo ang mga medical frontliners, senior citizens, kag ang may underlying medical conditions. Matandaan nga nag-apply for emergency use authorization ang AstraZeneca sini lang nga Enero samtang ang kumpaniya nga Pfizer sadtong Disyembre 2020.

Sa karun wala pa sang vaccine maker sa Pilipinas nga ginhatagan sang go signal sang Food and Drug Administration agud nga magamit sang publiko para sa mass vaccination.

[image: image.png]

Facebook Comments