Butuan City PIO- Butuan City Mayor Ronnie Vicente Lagnada, Kompleto na sa Bakuna batok Covid-19
Nahatagan na sa ikaduhang dose sa Sinovac Vaccine si City Mayor Ronnie Vicente Lagnada kaganinang hapon. Mayo 31 dihang nahatagan sa unang dose sa bakuna si Mayor Lagnada.
Kahinumdum nga nabutang na sa A1.5 vaccine priority ang mga governors, mayors ug ubang local chiefs sa vaccine priority list. Sumala sa National Government sila ang anaa sa frontline nga nag implementa sa prevention, detection, isolation, treatment, ug rehabilitation sa COVID-19 program sa gobyerno.
Panawagan ni Mayor Lagnada sa katawhan nga magpabakuna kung naapil na sa priority list nga bakunahan aron maprotektahan ang kaugalingon batok sa Covid-19.
Tungod sa padayon nga pagtaas sa kaso sa mga nagpositibo sa Covid-19 sa syudad gipahimangnoan ni Mayor Lagnada ang tanan nga padayon nga magsunod sa minimum health protocols sama sa pagsuot sa face mask, face shields, kanunay nga paghugas sa kamot o pagsanitize, ug ang kanunay nga pagbantay sa social distancing.
