Mibiyahe na kaganinang buntag padulong New York si City Mayor Oscar Moreno.
Nasayran nga ang lakaw ni Mayor Moreno mao ang pagtambong sa gihimong kalihukan sa mga kababayan nga anaa sa North America, Canada, ug United States nga ginganlan og ‘’tapok’’ nga ginahimo matag duha ka tuig.
Dugang pa ni Mayor Moreno nga pinaagi sa mao nga kalihukan, mahibaw-an sa mga kababayan kung unsay mga nahitabo diri sa Cagayan de Oro, ug mahibaw-an usab kung unsa ang ilang mga sentemento.
Nasayran nga giisip usab kini ni Mayor Moreno nga pasalamat ngadto sa mga Pilipino Community, tungod sa pagdonar niini og tabang sa pag-construct sa day care center sa sityo Singapore, Balulang.
Samtang gikompirma ni City Mayor Oscar Moreno nga ang mahimong Acting Mayor sa syudad samtang siya atua sa gawas sa nasud, mao si Konsehal Girlie Balaba.
Matud ni Mayor Moreno, nga nanghinaut siya nga suportahan sa katawhan ang pagtudlo niya kang Konsehal Balaba.
Giklaro ni Mayor Moreno, nga ang ilang lakaw karon sa gawas sa nasud uban ang pipila ka konsehales, wala gikuha sa panudlanan sa gobyerno kondili ilang kaugalingon nga gasto.
