Natudlong bag-ong Chairman sa Regional Advisory Council sa Regional Internal Affair Service kon RIAS ten, si Mayor Francisco Paylaga sa Panaon, Misamis Occidental.
Si Mayor Paylaga, Jr. ang nahimong Mayor sukad niadtong 1980 ug natapos ang termino niadtong tuig 1998 ug midagan sa laing posisyon sa gobyerno.
Pagka tuig 2013, midagan siya isip Mayor sa Panaon ug midaug.
Dugang pa ni Mayor Paylaga nga gitawag na siya og ‘’FPJ’’ sa iyang lugar, nga ang buot ipasabot Francisco Paylaga Jr.
Matud ni Mayor Paylaga, nga wala siya magdahum nga mahimong Chairman sa RIAS tungod kay igo lang siya gitawagan sa Regional Director.
Dugang pa niini nga iyang gikakurat ang pagkatudlo kaniya sa maong posisyon, tungod kay wala siya mangambisyon sa maong posisyon.
