Pagkawala sa blood supply sa utok, hinungdan sa stroke; samtang magkatigulang ang tawo, taas usab ang risgo niini sa stroke

32
PCTTO

Ang ‘’stroke’’ usa  ka kondisyon kung asa ang agianan sa dugo padulong sa utok ang nabarahan o nibuto.

 

Kini ang gibutyag ni Doctor Miguela Marie Senga, Neurologist sa Medical City ning syudad.

 

Matud ni Doctor Senga, nga kung mawad-an na og blood supply ang utok, kini ang hinungdan nga ang usa  ka tawo nga ma-stroke dili na makalakaw og tarong, dili na makaistorya o bulol, o dili na makaila sa mga tawo sa iyang palibot.

 

Dugang pa niini nga mahimo kini nga magresulta sa pagka-comatose sa usa  ka tawo.

 

Adunay lima ka letra aron nga mahibaw-an kung ang usa  ka tawo suspect na sa stroke.

 

Matud ni Doctor Miguela Marie Senga, sa Medical City ning syudad ug usa  ka Neurologist, kini gilangkuban sa letrang B- isip balance, E-eyes, F-face, A-arms, S-speech, ug T-time.

 

Dugang pa ni Doctor Senga,  nga ang mga timailhan nga padulong na sa stroke ang usa ka tawo mao ang dili na makabalanse o dili na makalakaw, gahanap ang pananaw-an o gakalibat, o gakalipong, gakahiwi ang wala o tuo nga bahin sa nawung,  dili na malihok ang usa  ka abaga o tiil, ug bulol na ang istorya o dili na masabtan.




 

Apan giklaro ni Doctor Senga, nga ang pinaka importante mao ang letrang T- isip TIME, aron nga maluwas pa ang utok.

 

Gibutyag ni Doctor Miguela Marie Senga sa Medical City ning syudad, nga samtang gakatigulang ang tawo, taas usab ang risgo niini sa stroke.

 

Matud ni Doctor Senga, apil usab sa risgo mao ang mga  babae nga nag-menopause na, adunay mga highblood, diabetes, kusog manigarilyo, kusog moinum sa ilimnong makahubog, ug mga tawo nga stress.

 

Dugang pa niini aron malikayan ang stroke, kinahanglan nga  healthy living sama sa diet aron malikayan ang highblood ug diabetes.

 

Ug kung aduna nay highblood ug diabetes, ayuhon kini og tambal aron nga dili na moabot sa punto sa stroke o gitawag nga ‘’brain attack’’.

Facebook Comments