Mag-atubang sa kasong illegal possession of fire arms ug paglapas sa Comelec gun ban ang mayor sa Pantar, Lanao del Norte ug mga kauban.
Matud ni Police Regional Office 10 Spokesperson Police Supt. Surki Sereñas nga napakyas si Pantar Mayor Jabar Tago ug mga bodyguards nga sila PO1 Johaimen Mohamad ug PO1 Rasid Lambay sa pagpresenta sa gun ban exemption gikan sa Comelec.
Mahinumduman nga niadtong Martes, usa ka adlaw una ang plebisito sa Bangsamoro Organic Law, gisikop sa mga otoridad si Mayor Tago, duha ka pulis ug walo ka sibilyan sa dihang niagi sa checkpoint sa Iligan City dala ang mga armas nga walay mga lisensiya.
Basi sa record, niadtong Mayo 2018, unang nasikop si Mayor Tago ug iyang mga kauban sa dihang nakigpinusilay sa mga pulis ug mga sundalo nga nilusob sa iyang compound sa Barangay Sundiga, Pantar, Lanao del Norte.
