Padayon nga nag house-to-house ang mga personahe sa Municipal Disaster Risk Reduction and Management Office sa Kadingilan, Bukidnon aron masuta ang mga apektado sa magnitude 5.9 nga linog kagabii.
Kini ang gibutyag ni Maam Shane Therese, ang head sa Municipal Disaster Risk Reduction and Management Office sa Kadingilan, Bukidnon.
Basi sa inisyal nga datus nga gihuptan sa Argana Team, dunay 56 ka pamilya ang apektado gikan sa barangay Sibunga, pito ka pamilya sa barangay Kibogtok ug lima sa barangay Baroy.
Samtang, Dunay upat ka indibidwal ang nadala sa hospital diin tulo niini ang nag-panic ug usa ang nakaangkon sa head injury.
Alayon niini, nanawagan ang panggamhanan sa Kadingilan aron mahatagan sa tent ang mga biktima nga maoy himoong temporaryong pinuy-anan.
