WILLING nga maghatag sang financial assistance ang property giant nga Megaworld angot sa pagkamatay sang duha menor de edad matapos nga nag-hulog kag nalumos sa ila nga drainage construction site sa Barangay 41, domingo sang hapon.
Suno kay Kevin Tan, chief strategy officer sang Megaworld, nga nagaka-subo sila sa natabu sa duha ka bata sa diin maga-coordinate sila sa pamilya para sa ila ihatag nga bulig.
Dugang pa ni TAN nga ila iga-review ang ila nga protocol kag security measures agud nga INDI na masulit ang kaangay nga insidente.
Magadeploy man sang dugang nga security guard ang Megaworld agud mapasiguro nga wala sang may maka-sulod sa ila construction site.
BACKGROUND STORY
Patay ang duwa ka menor edad samtang na-ospital ang duha pa sang nalumos sa buho sang construction site sang Mega World Devolopment Corporation sa Barangay 41, pasado alas-4:30 sadtung domingo sang hapon.
Ang mga biktima amo sanday Robert Porcino, anum ka tuig kag Edrian Bagundol, 10 anyus, residente sang Barangay 27, syudad sang Bacolod.
Sanday Porcino kag Bagundol kaupod sang iya tatlo pa ka abyan ang nag-hagaray nga maghampang sa sulod sang Bacolod Murcia Milling Corporation sa diin nagapadayon ang construction kag property development sang MegaWorld.
Didto kag nagalab-ot sila sa buho sang drainage system nga may naka-stock nga tubig sa diin aksidente sila nga nahulog.
Nakaluwas naman sanday Paul Soquiño, 8 ka tuig ang edad kag Edgardo Monserrati, 6 anyos kag ang isa pa ka pito ka tuig nga bata matapos ini sila nag naka-takas kag nakapangapyot sa kahoy.
Nahibalu-an nga apisar nga private property ang amo nga lugar, gwa-sulod naman ang pila mga kabata-an bangud nga mahapos langnga suhoton ang naka-butang nga barbwire sang MegaWorld.
