BACOLOD CITY – Nagapangabay ang Department of Social Services Division (DSSD) sa publiko diri sa ciudad sang Bacolod nga indi paghatagan sang limos ilabi na sang kwarta ang mga ‘badjao’ nga nagapakalimos sa ciudad.
Ginpahayag ni DSSD Bacolod Head Pacit Tero nga nagabalik -balik lang diri sa ciudad ang mga ‘badjao’ bangud nga madamo sang mga maluluy-on nga tawo nga nagahatag sa ila sang bulig.
Apang suno kay Tero nga kon magapadayon ini, indi na magpangita sang palangabuhian ang mga ‘badjao’ kag magapangayo-kayo na lamang sila kon padayon ini nga hatagan sang pumuluyo.
Ginpahayag ni Tero nga ila natalupangdan nga kon sa diin may yara sang daku nga event ukon may mga fiesta, dira kag nagapa-amolya ang mga ‘badjao’ agud nga magpangalimos./dyHB BACOLOD
