Buot sa mga bakwit sa Sitio Kamansi, Barangay Banglay, Lagonglong, Misamis Oriental nga makaatubang si Gobernador Bambi Emano.
Kini aron ilang masayran kung aduna bay lakang nga mahimo ang probinsyal nga kagamhanan bahin sa ilang hangyo.
Matud ni Datu Reynaldo Ayuma, ang Chairman sa Tagtabolon tribal group nga sukad sa ilang pagbakwit sa Capitol park, wala matud pa nagpakita ug naminaw sa ilang sentimiento ang mga taas nga opisyal sa kapitolyo.
Mahinumdoman nga 38 ka pamilya gikan sa maong komunidad ang mibakwit tungod sa engkwentro tali sa mga militar ug rebelde sa maong dapit.
Dugang pa ni datu Ayuma nga buot nilang mabati direkta gikan sa baba sa gobernador kung masulbad ba niini ang ilang maong problema.
Facebook Comments
