Kalibo, Aklan — Para nga ma protektahan ro mga coastal municipalities iya sa probinsya it Aklan kuntra sa illegal nga pagpangisda ag iba pang mga illegal activities sangka resolution rong ginpasar ni Hon. Emmanuel Soviet Russia Dela Cruz, Sangguniang Panlalawigan Member ag Committee Chairman on Agriculture nga i-activate ro andang mga Bantay Dagat kamana man ro mga protocols ag sueondanan.
Suno kay Hon. Dela Cruz nga tueod kana nga maghimo it nasambit nga resolusyon bangud may mga fisher folks nga nagpaabot kana nga kung paano mabantayan ro andang municipal waters sa mga illegal nga mangingisda kamana man ro kakueangan sa patrol boats.
May mga banwa mat-a nga active ro andang bantay dagat ugaling uwa it nagakaigo nga coordination sa mga kapulisan rason nga indi man madakpan ro mga nagahimo it illegal.
Sa makaron may mga lugar iya sa aton nga may mga Lambaklad, may gintamnan it coral reefs ag fish sanctuary nga ginabawaean gid ro pagpangisda ugaling indi man gid raya ma-monitor bangud sa kakueangan it patrol boat.
Sa makaron hay nagpadaea it sangka patrol boat rong Bureau of Fisheries and Aquatic Resources (BFAR) sa probinsya it Aklan para gamiton pero uwa raya gin donar kapareho ko dati para nga makabulig sa pagpatrolya ag kamana man magamit sa mga igapatigayon nga search ang rescue.
