Nagapakig-angot na ang Liga ng mga Barangay sa ciudad sang Bacolod sa ila matag-as nga opisyal agud mapangitaan sang paagi nga mahatagan man sang hazard pay ang mga barangay officials nga amo man ang nagapanguna sa away kontra coronavirus.
Sa interview sang DYHB kay Councilor Lady Gles Gonzales-Pallen, presidente sang Liga ng mga Barangay sa Bacolod, ginpahayag sini nga indi makabaton sang hazard pay ang sin-o man nga elected official bangud sang memorandum circular sang Department of Budget and Management (DBM) nga nagadumili sini.
Bangud sini, wala sang mabaton ang mga barangay officials, magluwas sa ila honorarium, bisan pa nga sila man ang nagakaigo sang coronavirus.
May angut sini, nagapakig-angot na ang konsehal sa matag-as nga opisyal sang liga agud nga makapalapit sa national government nga mapangitaan paagi ang paghatag hazard pay sa mga opisyales sang barangay.
Damlag pa, gin-aprubahan sang city council ang P41.5 million nga pondo bilang hazard pay kag special risk allowance para sa mga empleyado nga nag-render sang frontline kag iban pa nga essential services kadungan sang 47-day enhanced community quarantine (ECQ) sa Bacolod.
Kasunod sini, ginapasalig naman ni Bacolod Lone District Congressman Greg nga iya tun-an kun paano mahatagan sang hazard pay ang mga barangay officials.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
