Magamay na lang nga mga barangay dire sa probinsya sang South Cotabato ang may clustering of cases ukon may-yara sang 3 ukon masobra pa ka kaso sang balatian nga dengue sa magkasunod nga tatlo ka semana.
Sa subong suno kay Provincial Epidemiology Surveillance Unit Officer Celia Lorenzo yara na lang sa 15 halin 125 ka mga barangay sa probinsya ang may clustering of cases sadto anay nga yara pa sa epidemic threshold.
Ang nasambit nga mga barangays ang may clustering of cases ang sa mga banwa sang Banga, Polomolok, Sto.Nino, Tampakan, Tantangan, T`boli, Tupi kag Koronadal City.
May-angot sini, padayon nila nga ginaapela sa mga pumuluyo nga mangin alerto kag tungdan ang obligasyon nga pagpatuman sang oplan kulob tungod padayon sa gihapon ang pagtuhaw sang kaso sang balatian nga dengue.
