General Santos City—swerting walay maigo sa mga batan-ong nagbaktas atubangan sa RMN Broadcast Center human nga gipabuthan ug pusil sa wala pa mailhing suspek alas 11:00 pasado ang takna sa gabie, kagahapong adlawa.
Subay sa kuha sa CCTV Camera nga nakainstall sulod sa RMN Broadcast Center nga nagbaktas ang mga batan-on atubangan sa RMN padulong sa Mercury Drug apan pila ka sigundos ang nakalabay, nanagan pabalik ang mga nahisgutan human nga miabot ang usa ka lalaking nakamotorsiklo dayon gipamusil ang mga nahisgutan.
Nag-iyahay ug tago ang mga batan-on samtang ang suspek paspas nga misibat sakay sa iyang motorsiklo.
Paspas usab nga mirespondi ang intel operatives sa Gensan City Police Office sa lugar. Narekober ang lima ka mga empty shell sa kalibre 45 nga pistola kansa gikan sa pusil sa suspek nga responsabli sa pagpabuto.
