Alabel, Sarangani Province–Gipahinumduman ni Alabel Municipal Mayor Vic Paul Salarda ang tanang nanag-iya ug mga beach resort sa munisipyo sa Alabel nga ilaha gyud ipatuman ang health protocols sa ilang mga beach goers sama sa pagsul-ob ug facemask, pag obserbar sa social distancing ug uban pa.
Kini aron masiguro nga dili mataptan sa makamatay nga virus nga covid 19 nga padayon nasinatian sa kasamtangan.Dugang pa sa Mayor nga si kinsa man kadtong nanag-iya ug mga beach resort nga dili musunod sa health protocols ang iyahang temporaryong ipasirado aron nga makamatngon ang mga nasangpit nga anaa pa ang bahad sa corona virus.
Gihingusgan usab ni Mayor Salarda nga buot gyud niyang mabalik pagsaka ang ekonomiya sa lungsod sa Alabel human nga naigo ug naapektuhan sa covid-19 apan kinahanglan usab nga panalipdan niini ang katawhan sa lungsod.
Nasayran nga una nang gilibot suroy sa Mayor ang mga beach resort apil na ang mga establisimento sa lungsod aron sutaon kung nagasunod ba ang mga nasangpit sa saktong health protocols.(RV)
