Giduso ni Lanao del Sur Representative Ansarrudin “Hooky” Adiong ang paghatag sa reparation pay sa mga survivors sa giyera sa Marawi City.
Tumong sa House Bill 7711 nga hatagan sa tabang ang mga naapektuhan sa giyera nga hangtud karon, kulang ug lisod pa gihapon sa pagpuyo human nga nipahawa sa ilang mga balay sa Marawi.
Sakop sa mahatagan sa bayad ang mga nasa Most Affected Area sa giyera ug ang mga naa sa Greater Marawi Area.
Ubos sa sugyot nga maggahin ang gobyerno sa 20 Billion Pesos nga gamitong Trust Fund nga kuhaan sa kwartang pambayad sa mga apektado sa lima ka bulang giyera.
Magmugna usab niini sa Board of Marawi Siege Compensation nga unhan sa lider sa Housing and Urban Development Council o H-U-D-C-C katabang ang uban pang ahensya sa national ug local government sa Marawi City ug Lanao del Sur.
Ang maong board maoy magtoon, modawat sa aplikasyon ug mohatag sa bayad sa mga benepisyaryo.
