Gisusi sa Bureau of Fire Protection kon BFP-Malaybalay ang mga boarding houses sa siyudad.
Sa interview sa RMN Malaybalay ngadto kang Senior Inspector Loyd Villaroya, ang Malaybalay City Fire Marshal, gibutyag niini nga aduna silay gitukod nga joint inspection team nga gilangkuban sa BFP, city licensing office, ug sa engineering office aron mo-inspeksyon sa mga boarding houses, hotel ug ubang pang establisyemento.
Matud ni Villaroya nga adunay mga boarding houses ang walay business permit ug ang uban gipatoo nga usa lang ka balay apan gipa-abangan.
Gitinguha matud pa nila nga masusi ang mao nga mga boarding houses alang sa kaluwasan sa mga boarders.
Samtang sa interview sa RMN ngadto kang City Engineer Elpidio Sumanduran, gibutyag niini nga base sa ilang gihimong pag-inspekyon, nakitaan sa daghan violations ang mga tag-iya sa boarding houses sa siyudad.
Adunay pipila matud pa ang wala nakasunod sa fire safety code of the Philippines.
Kasagarang nasupak sa mga boarding houses ang kawad-on sa fire exit ug gamay lang ang hallway.
Samtang sa interview sa RMN ngadto kang Joyce Daculos, usa ka land lady gibutyuag niini nga alang kaniya, iyang giprayoridad gayod ang kaluwasan sa iyang mga boarders.
Pamatood niini aduna siya’y business to operate, gawas ninii aron masiguro ang safety sa iyang mga boarders nagpatuman usab siya ug curfew sa iyang boarding house.
Samtang isip boarder, gibutyag ni Jay-ar Camaling sa interview sa RMN nga komportable usab siya sa iyang gi-abangan nga boarding house karon tungod sa iyang kadugayon na nga nagpuyo niini.
Apan nagpadayag siya ug kabalaka tungod ang entrance mao usay gamiton sa isip exit, diin risgo para sa ilaha kung adunay sunog.
