Ginmando ni Lambayong Mayor Andy Agduma sa Municipal Epidemiology and Surveilance Unit (MESU), PNP, BPAT kag LDRRMO sa banwa ang hugot nga pagpatuman sang COVID-19 Contact Tracing System ukon CCTS scanning sa tanan nga entry kag exit points sa banwa.
Ang nasambit nga kamanduan sang alklade ang tungod suno pa sa liwat nga pagsaka sang kaso sang mga nagapositibo sa COVID-19 sa mga kaiping nga banwa sang Lambayong.
May-angot sini, temporaryo nga gindumilian ang pagsulod sang mga bolantero sang mga ukay-ukay kag iban pa nga balaligya sa merkado publiko sang banwa kada Market Day.
Nagpanawagan man ang opisyal sa tanan nga nagasulod sa banwa nga magkooperar sa mga otoridad nga nakaassign sa mga checkpoints paagi sa pagpakita sang ila nga CCTS kadungan sang pagpasiguro sa tanan nga mga pumuluyo sang Lambayong nga ginahimo nila ang tanan agud mapabilin nga Zero COVID-19 Status ang banwa.
