Kalibo, Aklan — Plano it Department of Tourism (DOT) nga suspendihon anay rong pagbisita it mga cruise liners ag pagdaea it mga turista sa Boracay.
Eksplekasyon ni Tourism Secretary Bernadette Romulo-Puyat, nakabaton sanda it pila ka mga reklamo halin sa mga residente ag business establishments bangud sa pag-abot it mga cruise liners nga may daeang linibong turista sa isla.
Ginaprotesta man it mga taga-Boracay nga uwa man it naibulig sa local government rong mga cruise liners. Gugang pa ni Puyat, daywang buean matapos rong re-opening it Boracay hay naghimo it paagi rong ahensya para mapabilin rong carrying capacity kara.
Suno kay Puyat rong carrying capacity it Boracay hay una eamang sa 19,125 kada adlaw ag maskin uwa ro mga cruise ships hay sueod pa gihapon rong numero it mga turistang naga adto sa isla.
Bnagud kara , sambilog sa mga nakikitang solusyon para indi mag eapaw sa numero it carrying capacity rong isla hay isuspende anay it ahensya rong biyahe it cruise liners sa Boracay ag taw-an ra sanda it alternative tourist destinations.
