ILOILO City – Nakabaton sang tag P10,000 nga financial assistance ang 84 sa 209 ka una nga mga graduates sang community rehab center ukon community change center sang syudad.
Ini bilang bulig sa ila sustainable livelihood program nga mangin umpisa sang ila pagbag-o sang kabuhi.
Suno kay Teresa Gelogo, focal person for family welfare program sang City Social Welfare and Development Office (CSWDO), nagpain ang city government sang P1 million para sa livelihood program.
P840,000 diri ang gin-gamit sa ila livelihood program samtang nabilin gin-gamit para sa ila capability building seminars.
Ginpahayag ni Gelogo gintudluan ang mga surrenderees kun paano imanage ang ila negosyo.
Ang assistance ginbase sa project proposal sang mga benefiaries.
Maluwas sini may nauna na nga 352 ka drug surrenderees nga nakabaton sang financial assistance kag trainings.
Photo via Iloilo City Government
