Mag-enjoy ang mga empleyado sa City hall sa taas nga bakasyon sugod karong adlawa hangtud Miyerkules sunod semana tungod sa adlaw sa pasko.
Mao kini ang gibutyag ni Mayor Oscar Moreno sa iyang programa sa dxCC-RMN kagabi-e.
Si Moreno molarga padulong sa Manila karong adlawa kay iyang gusto nga iyang ika-uban ang iyang pamilya sa adlaw sa Pasko sa Disyembre 25.
Matud sa Mayor nga walay trabaho sa city hall sa lunes sunod semana December 24, ug December 25 Martes.
Mobalik ang ilang trabaho sa adlawng Huwebes ug Biyernis sunod semana.
Apan matud sa mayor nga iyang gimando pinaagi sa iyang gipakanaog nga memorandum order nga dunay magpabiling pipila ka mga empleyado sa city hall sa ilang trabaho bisan pa ning mga adlaw sa holidays.
Gibutyag ni Moreno nga iyang gimando nga naa gihapoy trabaho ang mga health personnel, mga miyembro sa City Disaster Risk Reduction and Management Department, mga guwardiya sa city hall ug uban pang mga empleyado sa lokal nga kagamhanan nga gikinahanglan pag-ayo ang ilang serbisyo ning holiday season.
Skeletal force ang tawag sa Mayor sa iyang gipabilin nga mag-duty sa city hall ning panahon sa Pasko.
Gipasabot sa Mayor nga lakip sa walay trabaho sa city hall ang December 31, January 1 ug January 2, 2019.
