Mga empleyado sa kapitolyo, mipalag human wala mahatag ang mid year bonus

280

Mipalag na karon ang tanang empleyado sa Misamis Oriental Provincial Capitol tungod sa kapakyas ni Governor Yevyeny Bambi Emano paghatag sa ilang Mid year bonus nga ila untang madawat niadto pang bulan sa Mayo.

Apan  tungod sa kahalok, walay bisan usa  ka empleyado sa  kapitolyo nga mopadayag sa ilang reklamo.


Giangkon ni Misamis Oriental Board member Gerardo Sabal nga silang tanan nga mga officials ug mga empleyado sa Provincial Government wala pa makadawat sa  ilang mid year bonus.

Apan wala pay inpormasyon si Sabal ngano nga  wala pa ihatag  sa executive Department ang  ilang   kalipayan.

Gi-aghat ni Sabal ang mga empleyado sa kapitolyo nga mopadangat sa ilang formal complaint sa  Grievance committee sa kapitolyo ug sa Provincial Administrator sa Misamis Oriental.

Gipasabot ni Sabal nga iyang gihulat ang eksplenasyon sa administrador sa kapitolyo kay ang ilang mid year bonus aprobado na sa ilang budget alang karong tuiga.

Facebook Comments

From Advertisers